Anson plaza

上個月, 我經朋友介紹去了見一份工, 好特別.....


女仔打電話黎:" 我收到你的resume , 見management trainee, 我先講下你知,我地公司係好辛苦架~成日都要OT, 睇我咁夜先打比你就知啦! 這個post可能會有technical 野, 同可能 呀Director 會比唔同task 你做, 仲要set個target比你, 所以係會好辛苦架, 咁你仲有冇興趣呀?"


當時我想 : management trainee ?? 我係找 techncial engineer or techncian 喎~ 不過佢話有technical 野, 我估只係 "名唔一樣" 再要做d 其他野only.... 所以我都話ok , 見下先啦~


點知佢同我講:" 咁好啦~ 你個resume 我會send 比director 睇啦.. 如果佢ok 就會再約你interview ".......... =o="
我當時好難先可以忍得住.... 等了我同佢講 "哦" 之後先 O 咀~ =o=



幾日後,叫我去interview, 今次我準時上去啦....而且冇屙屎...


一上到去, 坐低填form, 見到另外一男一女,男西裝, 女套裝, 都係黑色的, 佢地都幾親下~ 幾似d 會所識員...
一身polo shirt + 布褲 + converse 的我...有d....奇怪....但係佢公司都有牛仔褲返工的...

填完form, 三個人一齊 interview..


Director 第一句問:" 今次係group interview , 你地之前試過group interview未?"
男女:試過~
我:搖頭~

Director: 介紹下你地自己先~


女(內容大約): 我剛係 xxx U (好似係科大定city)畢業, 修Bussiness Major xxx (好似marketing) .......(我心想: 修business ??? 唔係呀...唔好似有d野喎...仲要大學生!!)
上個星期先去完一個月旅行返黎...現在先找工~



男(內容大約): 我剛係London U 畢業, 修Bussiness (又係Business ?? 出事啦~) 都係剛剛旅行返黎..

Director:咁你係英國返黎幾耐呀?

男:我剛去XX旅行唔係英國

Director: 你係London U 返幾耐呀?

男: 唔係, 其實我係香港讀的, 佢係join HKU 的~ (我心想, 即係唔係space呀!)

Director: 哦..part-time 定 full- time? 去了幾耐旅行?

男: full-time 的... 去了幾日旅行 .(.... =o=)

Director: 咁你讀得都幾轉接喎..不過唔怕最後達到目到的就ok 啦~ 在我公司做野都係咁, 冇人理你轉幾多個圈, 最後做到先重要~ ( ....... )


疑點: 佢地兩個剛剛畢業仲要再去完旅行,幾日前先返, 已經試過group interview???




我: 我一直做開IT, technical support...
Director: 咁你知唔知今次見乜工? ( =.=)

之後Director 一路吹自己個software 點勁點勁~ 佢公司又點勁點勁, 要請的人要好主動呀, 好辛苦呀...

內容大約:

"如果我今日叫你明天去美國同我打天下, 你得唔得先?"

"有人做幾日頂唔住就走了, 但是亦有人做唔到野出黎比我睇, 比我踢走"

"我公司有條件做到上市, 但係我太忙, 冇時間做,"

"我會set D task 比你地, 好似叫你一個星期內叫你call 客 make 5 個 appointment 你得唔得先, 冇人教你, 有人做到, 有人做唔到, 做唔到因為你做野唔即極, 所以會踢走" (點解我好似見sales? )


Director:"咁我宜家有個咁好的software咁要點呀?"
我:"做promotion , sale 去比人.."
女: (唔記得佢講乜, 只知道係一大段marketing 理論)
Director打斷女的說話: 得啦得啦~ 見工可以輕鬆d ... (哈...哈..)

唔記得過了幾耐之後......

Director :"今次的interview差唔多啦...我就冇話請邊個, 唔請邊個, 你地有興趣就打返電話黎比我~" (=.=)

跟住佢仲叫咗打電話比我地個女staff入黎吹水, 都係講做野有幾辛苦...有幾句係好深刻...

"我係度做了2個幾月,都試過遞了幾次信, 不過係度雖然真係辛苦, 但係好有滿足感, 好少公司可以比你一個人handle 晒d野, 這裹可以" (原來佢都係剛剛大學畢業, 第一份工)

"剛剛出(當時) 的電腦廣場, 我一個handle 晒一張A2 size的廣告, 好有滿足感, 好有成功感!!(沾沾自喜地,兩眼發光地)" ( 原來滿足感, 成功感 真係只係自己點去睇.......哈哈!)

"好辛苦, 成日要OT, 做到好夜.... 成7點...最遲一次做到9點"
0個兩個男女當時的反應,真係覺我做到7點好夜... ( 我差d笑出黎, 好想同佢講"真係辛苦晒.." 可惜我冇咁做...咪玩啦.....大學生!!!)

"我自己又住得遠....住屯門...(佢公司係長沙灣, 我見完之後, 行5分鐘就有60x搭)" (我即時覺得我返工係好好好好遠... 唔記我邊個仲要問佢, 九點先走仲有冇車返去......咪引我笑啦~大佬....)

臨走佢仲要話我好cool, 唔多講野~ 唔知邊個加把口:"係呀..佢係technical 人ma !"
我真係冇野好講....我只答佢:"係呀.."

同個男仔一齊搭lift走, 佢好有熱成咁話, 會呀, 佢對IT 都好有興趣呀...想衝呀...etc... 年輕人真係有熱成...都係好事...